POESIAREN KRIMINALAK
Jean Claude Izzo

euskaratzailea: Jon Alonso / Amaia Apalauza
(h)ilbeltza 2020
armiarma.eus, 2020

 

Profetaren hondartza Marseillan

Han pausatu dira

 

Lehenik begi gris-berdeko neska

Iparreko itsasoetakoa

Niloren ertzetan heldutako irribarrearekin

 

Gero laguna

Eskualde Garaietako poeta

Mugalarien xuxurlei adi

Atzerriko bidexka idorretan

 

Zaharrena azkenik

Haizezko zoladun gizona

Batzuetan afganiarra, besteetan mongoliarra

Erdizka ikusitako mundu zaharrek sostengatua

 

Profetaren hondartza

Beren urratsak gidatu dituzte

Sartaldeko eguzkirantz

 

Olatu bat etorri da beren oinak laztantzera

Profetaren bedeinkazioa

Profeta anonimoa

Edertasunaren egietan

sinesten duten horiena

 

Profetaren hondartza

Profetarena

 

POESIAREN KRIMINALAK
Jean Claude Izzo

euskaratzailea: Jon Alonso / Amaia Apalauza
(h)ilbeltza 2020
armiarma.eus, 2020