LAURIER ET CHÊNE,

Cantate sur le mariage de l'Empereur

        Le Génie de la Paix.

Haize beltza mendietan

Baratu da emerik;

Ez-da gure aldapetan

Gehiago elhurrik.

Bildots maiteak, bazketan

Jauzka zaizte gogotik;

Artzaina dago guardian,

Ez-da otso beldurrik!

        La Renommée et la Gloire.

Bizkaitik Nafarroara,

Hebrotik Arretara,

Zelhai, mendietan,

Larrain, oihanetan,

Haritzak iharrosi dira hiruretan;

Nafarroako erregen jauregi noblean,

Azantz ozen bat entzun dorreen gainean;

Harmetako salhan

Gathea kraskaka,

Banderak zaflaka,

Panopliak dardaran...

Errazue zer berri den egun munduan?

        Les Génies des six Provinces Basques.

Gernikako haritza,

Erronkalgo urritza

Neguan hostatu!

Ezpel eta erramu

Gaur dira loratu!

Jauz zaizte,

Boz zaizte,

Eskaldun zaharrak!

Bota irrintzinak!

Haritzari erramu

Baitzaio xerthatu!!!

        Le Génie de la Cantabrie.

Kartagotarrez geroz,

Erromatarrez geroz

Eskaldunak ez-du

Odola ukhatu!

Ipharreko jendaiak, Agotak bentzutu;

Hegoako Mairu beltzak ditu phorroskatu;

Adurreko hegitan Frantsera baratu!

Anibalek Kanen,

Zezarrek Farzalen,

Eskara aditu

Eskalduna maithatu!

Napoleonek gutan andrea bilhatu!!!

        Les six Génies.

Gernikako haritza, eta abar.

        La Renommée et la Gloire.

Haritzari erramu

Balinbada xerthatu,

Emperadoreak

Eta erregeak

Hari zaizko guziak begira gelditu.

Burutan dabilate gogo eta asmu,

Xertho hunetarik zer behar den gerthatu?..

Gando bat da sorthu,

Ederrik altxatu!

Kantabria boztu!

Zerua da mintzatu!

Asaldutan zirenak batean gozatu!!!

        Les six Génies.

Gernikako haritza,

Erronkalgo urritza

Gaur dira loratu!

Ezpel eta erramu

Guzia flokatu!

Jauz zaizte,

Boz zaizte,

Frantsez, Eskaldunak,

Bai et'Erdaldunak

Haritzaren gandoa

Dezagun khoroa!

        Tous les Génies réunis.

Goazen beraz, goazen oro

Haren inguratzera;

Ageri daite gero

Nor jinen den oldartzera!

Altxa dezagun bandera

Eta ezar ikhara

Gaixtaginen bihotzean!

Dugun kanta batean!

«Biba Emperadorea!

Gure begiratzailea!

Biba gure Andrea!

Biba gure Printzea!

Biba Frantzia!

Biba Eskal herria!».

                        Saint-Jean-de Luz, le 16 Octobre 1857