AMAR AGINDUAK

Amar dira Iaunaren

legeko aginduak

zeintzuk bear dituzan

gorde kristiñauak:

lenengo irurak dira

Iaunan onrarako;

eta beste zazpirak

danon onerako.

Lenengo, izan daigula,

aginduta dago,

gauza guztiak baiño

Iauna maiteago:

irakatsi deuskunez

arima-Erosleak,

Apostoluak eta

Eliza Doneak.

Bigarren aginduan

diño Iaungoikoak

obenak direala

andiak biraoak:

ta inoiz ez egiteko

Beragaitik zinik

alper bidegabeko

ta guzurrezkorik.

Irugarrenak diño

Kristiñau guztiak

gorde daiguzala ondo

domeka ta iaiak;

emoten doguzala

biotzeti eskerrak

Iaun onari, izan barik

baldan itxi alperrak.

Aita ta Ama ondo artzeko

diño laugarrenak

Iauna ikusten betiko

ioan nai dabenak:

artzen dabenak ondo

beren gurasoa

eztau txarto igaroko

gero zartzaroa.

Boskarren agindua

da iñor ez iltea,

ez iñoiz gauza txarrik

iñori egitea,

ez gurari zitalik

euki biotzean,

ez ian ez edan bere

gaitx eginartean

Eztaigula aragizko

egin pekaturik,

seigarrenean Iaunak

daukazu agindurik;

asmo ta erabagiak

berba gogamenak

garbiak izanezik

direala obenak.

Diño zazpigarrenak

iñori gauzarik

ez kendu ez eukiteko

iaubeak nai barik.

Beste baten gauzea

ostuteko asmua

iakizu, kristiñaua

dala pekatua.

Gauza bat esatea

alan eztanean

eragotzita dago

zortzigarrenean;

ta izengatutea

iñor guzurrakaz

baita inok eztakizan

egi galkorrakaz.

Lagunan emaztea

noberak deseau

bederatzigarrenak

galerazoten dau:

bakarrik maite izanik

noberan laguna

ziurtuten dau batek

etxeko ondasuna

Amargarrenak diño

Kristiñau guztiai

ez gogorik artzeko

iñon ondasunai:

nor bere ondasunakaz

poz bizi izatea

da zeruko atsegiña

emen eukitea.

Amar agindu onek

zeinnai gizalditan

Jesu Kristorik ona

sartu dira bitan:

Iauna maite izatea

geu baiño geiago

eta ez nobera baiño

iñor gitxiago