Berrogoigarren Ikasgaia

XVIIIgarren MENDEA

 

ERREGEAK

      Bidasoaz hunaindiko errege izan ziren hemezortzigarren mendean: Luis XVa (1715-1774) eta Luis XVIa (1774-1793).

      Haindian berriz: Filipe VIIa (1700-1746), Ferrando IIa (17461759), Karlos VIa (1759-1788) eta Karlos VIIa (1788-1808).

 

GERLA

      1700ean Espainiako erregeak Frantziakoaren ilobasoari utzi izion bere erresuma. Hortarik gerla piztu zen, eta Eskual Herrietan harat-hunat ibili ziren armada osoak. Utrexeko hitzarmen artino iraun zuen gerla luze horrek (1715).

 

XUBERON

      Bazakiten ordu heietako Eskualdunek beren zuzenen zaintzen. Xuberotarrak bietan segurik jazarri zitzaizkon Frantziako erregeri: behin Beñat Goienetxe, Matalas erraiten zioten apez aipatuarekin, eta 1674an berriz zerga batzuen gainetik.

      Hola-holako zerbaitengatik asaldatu zen ondoko mendean Hazparneko jendea ere.

 

BIZKAIAN

      Alta bada Bizkaitarrek ere ez zioten amor emaiten beren erregeri: ez zuten onartu ez gatzaren zerga emaitea (1631), ez zerga mugen Ebrotik Bidasorat aldaratzea (1717), are gutiago beren herritik kanpo gerlarat joaitea bertzeentzat (1804).