Hamaseigarren Ikasgaia

ERREGETASUNA

 

ERREGE SAILA

      Eneko Aritza hautatzetik Santxo Azkarraren heriotzeraino (824tik 1234rat) baditugu 17 errege eskualdun.

 

ERRESUMA

      Nabarrako errege hoietarik gutiz gehienek meneko zituzten Eskual Herri guziak: Nabarra, Bizkaia, Gipuzkoa, Araba, Lapurdi eta Xubero; Baxenabarre Nabarrari zatxikola.

 

ERREGE

      Lehen erregea hautatu zutelarik arbasoek, Orreagan, gerlako aintzindaritako zuten.

      Ondoan ere, gerla izan zen gure erregeen egiteko larriena: batean Moroen, bertzean Espainiako edo Frantziako etsaien kontra.

      Bertze zeretan, erregek behar zuen herriko zaharren erraneri jarraiki.

 

HERRITARRAK

      Eskual Herrian ez zen herritarren arteko mailarik.

      Errege arrotzeki geroxeago egin badute, denik ere Nabarran, zerbait berexkuntza, bertze eskualdetan, beti orok zuzen edo eskubide berak zituzten.

 

JABEGOAK

      Hiru jabego mota baziren: norberarena, herriarena, eta erregerena.

      Bainan arrotzaren den mendreneko nausitasunik ez zezaketen herrian jasan, gure arbasoek.