Utzidazu karmina kentzen
Urtzi Urrutikoetxea

Kutxa, 2000

 

 

XVII

 

ez dugu beti errez berba egokiak ibiltzen

minezko doinu hel litezke

mesfidantzari muzin

usoak askatu genituen

 

berbakera ugari ziren

ulertzeko hain zail ote?

baina inkonprentsioa

gure herrian jaio zen menturaz

haranean hazi eta errekan edan

beste haran eta beste erreka batzuen ezjakin

 

arrastia gaisorik eman dizut

eztulak eta bularreko mina eta sukarra

beharbada horregatik neuk ere

eldarniotan

ez dut mezua osorik ulertu

 

sortu naiz ausaz gedar egin duzunean

ala oraindik osatu baga

ezin ditut hitzak oro tarrapatan barneratu

eta gaur banaizenik ere ahaztu zaizun

aukera txikira makurtu naiz

 

Utzidazu karmina kentzen
Urtzi Urrutikoetxea

Kutxa, 2000