MEZU GALDUAK

                           Romantic Ireland's dead and gone

                           It's with O'Leary in the grave

                                                            W.B. Yeats

hil kanpaiari

tiraka ari zaizkio

otxarkoagako elizan

baina tira,

geldi zaitez autobus geltokian

gure gorpuak ez dituzte sekula aurkitu

prompterra apurtu genion ginebra botilari

genekarren mezua bidaltzeko

muturkeriarik gabe

naufrago hondoratuak ginela usmatu ezinik

mezua han bertan urperatu zela

igartzeke

porturik ezean

nabigazio jaio berritan pitzatu zitzaigun

askatasun ametsa

nik igeri jarraitu gura dut

galeretako pirata arruntak gurtu

prisma higitu hori bera bizi

—ala ispilua heriotzaren mezulari da?—