(10)

ez dizut utziko

atzera begiratzen

horretarako magalean

biolentzia guztiak babestu behar baditut ere

ez dizut permitituko

geroan esperantzarik izaten

nundik dira esperantzagarri

morearen eta berdearen zapore garratzak

ez dizut barkatuko

harrapatuko gaituztela susmatzea

ikusi bai, agian

baina nundik jasoko du munduak

gure hondamendi garratzaren berri

nundik

ez badu gure boterearen sustrai dardarti sendoa ezagutzen

gure eskuetan dagoenik

imaginatzeko ahalmena ere ez badu