Zeren azken finean
Patri Urkizu

Gipuzkoako Aurrezki Kutxa Probintziala, 1984

 

 

KANPANDORREA

 

Kanpandorrearen tristurek

          naramate,

brontzearen dantza ilunek

          jotzen dute,

betiko hasperen eztiek

          nadukate.

 

Kanpandorrean dabil dantzan

          mariposa,

hegal eskuin margoduna

          da arrosa,

hegal ezker kanbiakorra

          da panposa.

 

Kanpandorreko mixeletak

          elkarreki,

egiten dituzte joko festak

           hain ederki,

ai, hainbat, ene maiteak,

           nik baneki!

 

Kanpandorreko hil ezkila

          kolpaturik,

badoa garrasi isila

          iharturik,

panpos ahantziaren bila

          herraturik.

 

Zeren azken finean
Patri Urkizu

Gipuzkoako Aurrezki Kutxa Probintziala, 1984