Zeren azken finean
Patri Urkizu

Gipuzkoako Aurrezki Kutxa Probintziala, 1984

 

 

LILI ARRARO BATI

 

Oraingoan poema bat

nahi nioke jarri

ene gogoan daukadan

lili arraro bati.

 

Beraz bainaiz horrenbeste,

horrenbeste onetsi,

diodala ene oro

bihotzetik eskaini.

 

Izena lorea du eta

ezin inoiz ahantzi,

margarita aipaturik

ez natzaio gezurti.

 

Lepoa nakar xuria,

dizdiraka dirudi,

ezpain krabelin gorriak

benetan dastagarri.

 

Bere begi ispiluak

nahi nituzke irentsi,

bere putzu ilunean

betirako ahantzi.

 

Zeren azken finean
Patri Urkizu

Gipuzkoako Aurrezki Kutxa Probintziala, 1984