PARISE

Pariseko esnak barretan arima

handiak elgarrekin solasetan,

saint micheletik zehar berriketan,

deusezturik zenbaiten katexima.

Nola gizona dagoen bitima,

hainbat pairaezin injustizietan,

nola herria dagoen penetan,

ezin sofriturik hainbat krima.

Bide berrietan fede harturik

badatoz ikasiak gauzatzera,

lege berrietan ongi jantzirik

gure mendi gailurrak apaintzera.

Baina, herria xedez aldaturik

gizona negarrez doa urtzera.