NABARMENA DA

 

   Zure begietan nekea

nabarmena da,

neke horren luzea

paraje amaigabean...

 

Zenbat ezbehar,

problema

ta antsi.

Zaldi krudelaren zangoak

zigorkatzen duen

asfaltua naiz ni.

 

Burdinezko zeruan

susmo gaiztoak,

nere frakasuaren

egia absurdoak,

existentzia banal honen

pausu halakoak.

 

Absolutu ala erlatibu

horra hor bi kabu,

bi kabuen mailua

kolpez ari zaigu.

Lehen absolutu zena

orain da erlatibu,

gizonok beti gara

galderen gatibu...

 

1971