Ibar ixillean
Antonio Valverde Ayalde

Sociedad Guipuzcoana de Ediciones y Publicaciones, 1970

 

 

EGUNSENTIA

 

    Oiu luze bat

goizeko bostetan.

 

Aizea ikaraz da esnatu.

Egunak argia piztu du.

 

    Bi oiu luze.

Enarak aidean gelditu.

Ur-xintak bidean arritu.

Loreak dardaraz mugitu.

 

Iru oiu luze,

lau, bost, eun oiu luzeak.

 

Odei gorri baten atzetik

Jaungoiko txit ona dager,

bizar zuria ta guzti,

burua triste mugitzen,

arras preokupaturik.

 

1967

 

Ibar ixillean
Antonio Valverde Ayalde

Sociedad Guipuzcoana de Ediciones y Publicaciones, 1970