Ibar ixillean
Antonio Valverde Ayalde

Sociedad Guipuzcoana de Ediciones y Publicaciones, 1970

 

 

GAUA

 

Etzanik dago laņoa

mendi-bizkar-ezurrean,

etzanik lo.

 

Illargiak maindire ariņa

—estalki zillarrezkoa—

jarri dio.

 

Bordako izarra da estali,

ta ondoko osiņan ageri,

urdiņago.

 

Zakur beltzen uluak,

ulu eta amets zoroak,

doaz aruntz.

 

Zerubide biurrietatik

gautxorien moto-iskanbillak,

t'aien aztarnen atzetik

aguro guardia zibillak.

 

Laister baņa

ixillak dena jan.

 

Gabon, nakar-oera oazen neskatil sotilla;

ordu maitaleak an ditun irrikaz ire zai;

oiekin batean Gaua ilko zain, urrezko miņez.

 

1959

 

Ibar ixillean
Antonio Valverde Ayalde

Sociedad Guipuzcoana de Ediciones y Publicaciones, 1970