IRRI BATEGATIK...

 

Irri bategatik

ostokatu nuen

lorategiko

lehen lili ailera;

hitz bategatik

koipatu zintudan

haizeak mimosa

ferekatzen duen erara;

muxu bategatik

definiko nuke zerua

nahiz mugaezina zan

izarren begibakarreko dizdira.

 

Baina guzti horren gainetik

defini baneza maite

zugatik sentitzen dudana,

soberan lirateke

esanahia galdurik

ezpain artetik erratu

lurruntzen diren hitzak,

bide ertzetan

denborak

maltzurkeriaz maskaratuz

ohosturiko usainen larrosak

eta behin,

losin batzuen irrikak

kanporatutako asperenak.