ANTZIÑEKO
ETENETA HERRIAN,
1983

 

Izotz gaineko izpi hegalari,

atzo gabeko amandre biguin,

ene haragi ustelaren sari...

oi itxaropen maitari, artzain.

 

Doan uraren haize ta ertza,

itsas ororen aparta uhain,

nire iturri zenaren kezka...

oi itxaropen maitari, artzain.

 

Orain iheskor, agian amets,

bihar izuti zekenen zutoin,

iraun irrien arrago trakets...

oi itxaropen maitari, artzain.

 

Izar galduen bide, beilari,

bihotz suntsituen begi urdin,

gero gabeko geroen hari...

oi itxaropen maitari, artzain.

 

Antsia, nahia, ardo miketza,

hildo ezinen lur lera ta ernai,

itzal uxakor guztien kezka...

oi itxaropen maitari, artzain.