Aiodi herriko kantak
Patxi Ezkiaga

Gipuzkoako Aurrezki Kutxa, 1986

 

 

Aballarriko trikuarrian
2000 k.a.urteko udazkenean

 

Denboratasunaren gibelean

hats eta espazioaren

zaldian

ezproinak Aballarriko

harrian

horditu nauzue

karbono14

jasan gabeko ene

arbasoen hezur

txuriak

hemen, ene betidaniko

Herriaren gerizpean,

txingarrak hodeien

lau haizetara,

aspaldiko gauaren zauriak

goritutako miņaren

zorne kiratsean,

hemen, bihar urdin baten ikurrak

dirauen lurrean.

Irents nazazu, beraz,

zure gunearen este luzean

bihur nadin

aintzinako Aballarri,

harri, karearri,

trikuarri... espazio

hodei eta hatsaren

brontze aroko hilobian.

 

Aiodi herriko kantak
Patxi Ezkiaga

Gipuzkoako Aurrezki Kutxa, 1986