Aiodi herriko kantak
Patxi Ezkiaga

Gipuzkoako Aurrezki Kutxa, 1986

 

 

Bakardadeari

 

Ezin irentsi izarrak

zure rubi ta jadezko

isiltasun txarroan

banaka goizalbari

ito zitzaizkionean.

 

Ezin fereka harria

zure haize ta espaziozko

bakardade luzean

muxinka irrifarrari

ihesi zitzaionean.

 

Ezin gozatu horbela

zure loi ta bustinezko

mingoskera horian

malkoka ostadarrari

iseka egin zionean.

 

Ezin bizitu Zu-a

nire apar ta kresalezko

itsasenti galduan

uhainka txalupari

irauli nintzaionean.

 

Aiodi herriko kantak
Patxi Ezkiaga

Gipuzkoako Aurrezki Kutxa, 1986