Emeki itxaropendutako egunkaria
Iker Bidegorri

Euskaltzaindia/BBK, 1982

 

 

LUZATZEN DIZUDAN ESKU HAU ONARTZEN BADUZU,

honez gero bi izango gara bide ilun honetan.

Baina ene eskua ez da euskarri bat,

ezta bidea argitzeko

kriseilua ere ez.

Bide lagun ezti bat

da soilik.

 

Luzatzen dizudan esku hau hartzen baduzu,

honez gero bi ibiliko gara bide honetan.

Elkarri saka egin gabe

eta gau beltzean

gidatu barik.

 

Luzatzen dizudan esku hau hartzen baduzu,

honez gero bi esku bilduta

ibiliko dira.

 

Emeki itxaropendutako egunkaria
Iker Bidegorri

Euskaltzaindia/BBK, 1982