LUZE JOAN DA GAUA

 

   Idazten eman du gau osoa

eta ohi bezala,

ugari dira zoluan barreiaturik

tximurtuta ageri diren paper puskak.

 

   Mahai gainean aldiz,

bat bakarra ikus daiteke

kandelaren argipean.

 

   Hurbildu eta irakur dezagun:

«Gauak egunari daramakion aldea

goizean goiz ezabatzen du eguzkiak»...

 

   Paperetik

kendu ditu begiak,

eta ozta-ozta

altxatzen da aulkitik.

Alboko ohatzera doa,

ohi bezala, pentsakor.

 

   Bien bitartean,

auri sendoa ari du kanpoan.