ALABAINA, ODOL ZIPRIZTINEZ APARTE

 

   Dodotisak     Koltxoien barruko tripak     Botila arbuioak

   Kanpinak      Euri azidoaren aztarnak

Indar elektrikoko zutoin sareak

Harri xume eta harri koxkorrez egindako pistak     Kristal zatiak

 

   Autoetarako olio lohidurak

   Coca-Cola latak

                                    Xiringak

                                    Urtegiak

                                    Txerri erraiak

 

Skautak

 

Sardina lata herdoilduak

 

   Basomutilek botatako gasolina latak     Emaztekien Evaxak

   Aspaldiko gurdi geldiak

   Sestaoko zarama osoa     Euritako sastar desitxuratuak     Aduanak

 

Bertan behera utzitako poteen soberakinak (Mister Properrenak barne)

Kondoi kutsuak     Gora tarra-tarren tarratadak     Zabortegi kontrolatuak

 

   Turismo Antolamendurako eta Azpiegitaturarako Bulegoak

   Mugarri Geodesikoak     Lemoizko kanposantu nuklearra

 

Edari freskagarrietarako plastikozko edalontzi erreziklatuak

 

ETBko antena herrikoiak

 

                       Mozkin industrialak

                       Manolo Escobarren gurdia

 

Iraganeko edo gaurko edozein gerra tarteko eraikitako bunkerrak

Goardia Zibilaren Patrolak     Lerro telefonikoak     Obusak

 

Auskalo noren paratutako oroigarriak

Hauteskunde afitxak

Ehiztarien uralitazko txabolak eta haiek tiro egindako kartutxo gorpuak

 

                      Gas bonbonak

                      Yoghourt potoak

                      Pintada ekologistak

                      Baselizak

 

   Mendirako txirrindula ez kutsatzaileak

   Menturazaleen furgonetak     Plastikozko poltsak

   Garrafoiak

   Trialeko motoak

 

Belarra biltzeko plastikotzar hondar puskatuak

Seinale naturistak

 

                       Roca komunak

 

   Garbiketa eta Mantenimendurako Zerbitzuguneak     Txaletak

   Lastairak     Paperontziak     Domingeroak

   Armaz bete edo husturiko zuloak

 

Telebista aparailu txikituak

Militarrek abandonatutako materrialaren narrioak

Izandako eta ez izandako Kristo ororendako gurutzeak     Piszinak

 

  Zigarro muturrak     Ipurdirako paper zikinduak

 

Eta besterik ere badira franko,

basoilarrarekin batera...

 

                                                  IRATIKO BASOAN.