Artius
Joxetxo Azkona

Euskaltzaindia / BBK, 1996

 

 

BASOKO HORBEL GORRIA

 

   Etzanda ikusita,

uda bezalako zara:

begi horiak itsaso bare batetan.

 

   Zutik ,jarrita,

goratu beharreko gaina dirudi

zure eite hieratikoak.

 

   Mintzo da zozoa zure partez.

 

   Zer erran ote du haragizko enbor horretaz?

Ezpal amaituko dudala

ezpainez mokoa igurtziz gero?...

 

   ZAST,

Ebaki du aizkorak

eta odol epelez estali da basoa.

—Zozoaren bihotz gorakoa!—

 

Artius
Joxetxo Azkona

Euskaltzaindia / BBK, 1996