Zer nahi dezu gehiago?
euskaratzailea: Klaudio Sagarzazu Satarka
Orratza, eraztun eta
Belarriko ederrak,
Zuek nahi bezelakoak,
Asko ta asko dituzu;
Bai-ta ere badituzu
Berdingabeko begi
Politak: esan zaidazu,
Zer nahi dezu gehiago?
Gogo ta bihotz guztitik,
Maiz zuzendu izan diet
Egundaino hilko ez diran
Olerki eztitsubak,
Izarren antzeko zure
Begi dizditzale-eder,
Horiekin: esan zaidazu,
Zer nahi dezu gehiago?
Eta inork ez bezelako
Begi edertsu horiek.
Esker guztiz txarra egin
Zidaten erakutsi;
Ta horregatik gaur nago
Minez, itun, hiltzeko
Zorian: esan zaidazu,
Zer nahi dezu gehiago?
Euskal Esnalea, 1920ko abendua, 204 zkia.