Usarragazar

                             Aurtzaroaren arratsa,

                         aundi naiaren egunsentia,

                         bizitzaren leen lora sorta

                         arrotz eta arantzez betea.

     Aurra,

 guretzat

 biziaren sari,

 maitasun arrobiko emaitz,

 gure puska,

 lorategiko arros,

 goi-arnas,

 aur otzana,

 biziari begira,

 aurrera naiak egiñik neska.

     Zure igo,

 jarraia,

 ikusiz batera,

 laño beltz iduri

 sortu zaigu,

 kezka.

     Zuri begira

 gure barru-galdera

 nora ote...

 utzirik

 zure seaska.

     Aurtzaroa,

 aro gozo

 bezain labur ontan,

 aldiz sorbaldan,

 aldiz altzoan,

 beti...

 geienetan...

 irripar ezti lirikaz,

 guraso aterpean,

 maite-min

 gozoan.

     Orain,

 aundi-gose,

 ler-zorian,

 esiak ken nai,

 ikusiz aur-muga,

 irabazle gisa

 ia igaroan,

 poz-penak,

 bi aizeen egurats burruka lez,

 batera

 dabiltz,

 gure barne

 sentikor ontan,

     Gure poza,

 on-opa naiaren

 zear bidean,

 nai degu

 zaitezen aundi,

 lerden,

 tinko,

 seaska, altzo,

 esi barruan

 gure jostallu beti?

 Ez,

 ori ez,

 litzake oben!

 ez litzake bidezko,

 zure biotz mintzoa,

 zitzaigun aberats,

 sendo,

 gero bidean,

 bidaztiar lagun

 onar gaitzazu,

 zure poz-penen

 irri-negar izatea

 ez uko.

     Eta gure pena,

 txori umeak

 udaberriro antz,

 abaro,

 gorde-leku izaniko

 kabia utzi,

 eiztari ankerrak zai,

 oian beltz

 illunera zoaz,

 aldiz,

 aize, elur, euri,

 bultza moztu, busti,

 zu,

 etzaitezen zu,

 erak muga

 eta neur nai,

 zure egada luze-motz

 edo ta

 tiroz jausi,

 oiñarri gabe,

 koloka zaitezen,

 irakas dizue:

 igaroa,

 sendia,

 gurasoak,

 nola gaitetsi.

     Mundu asarrea,

 odol eske,

 erio zoroan

 ardo-ozpindua erana edo...

 mozkor dirudi,

 txar naiaren ortz-otsak,

 «karrask» dariote,

 irentsi nai

 gozo,

 jator,

 on zaigun ori

 lekuko,

 amets gozotan lo zaitezen

 «droga»,

 altzoan negarra duen

 uneko poz-irri,

 orra-or,

 giza-txarren egungo

 jo-muga,

 zer nai ote erriaz?

 bizi leku

 ala ill-erri?

     Joanaren arian,

 zure oiñak

 urratuko duen

 bide-txingor egal bietara

 somatu,

 ikus, ta bereiz

 al izango dezu

 batzuen giro arro,

 nora eza

 besteen txiro apala,

 barru poza

 aikatuz,

 bi aldeen

 ona billa,

 iñondik aske,

 zeuk jarri mugak,

 zure erara,

 ta iñoiz,

 labañean irrist

 edo jaustean,

 ez lotsatu,

 atoz,

 Gurasoen kaiara.