Gogo-artzain bati

Eduardo Castillo

euskaratzailea: Beiztegi'tar Ion

 Serapindar irakasleak lez donoki senean

 Bere «Frate Sole» ereserkian anaitzat artzean

 Gubbi'ko otsoa, ta anaitzat sua, ta arrebak lilitzan,

 Ta ulertu anaitasun sakona eukala izakintzan,

 Bardin zuk artaldea, ene deun, zorabiatuaz

 Pantzeska'ren deuntasun oparo ta alaitsuenagaz,

 Zure itzaldi zintzoz ta otoitzaz daikezuz ziñetsi

 Ta urrezko orrietan «Loretxuak» edesten dagizan

 Mirari ikusgarri, eztitsu ta bakunak ber-izan.

 Ez da zure Kisto arpegi ilun ta itzaldun Kistoa

 Saltzaileak zigor euazana, ta igartu pikoa,

 Irakasle maitatsua baiño, ta esan euskuna

 Seme Zarrastela'ren alegi zerutar biguna,

 Baita Samariatar Ona'ren irudi indartsua,

 Ta aurrak maitati igurtzen ekian Urtzi'ren eskua,

 Ta arrokeriz ta irakaz garbia zan erriangana

 Mendi'ko Itzaldi aaztu eziña deadar euana.

 Ori, ta zure gogoa zuriz dalako usoa,

 Jantzi zar orrekaitik, igurtza lurriñez gozoa,

 Zure mototsagaitik, negua lez zuriagoa,

 Ta on egiten zabiltzalako urkoari emen

 Josu-Kisto'ren antzikur aratz garbia zu. Amen.