Petra Chardiñ saltzallia

Iraola, V.

 Treñerua kayera,

 goizian goiz aldera,

 chardiñ preskuarekiñ

 sartzen bada:

 naiz mototsa zintzillik,

 bi saltuan isillik,

 lendabiziko Petra

 kayian da.

 Ekatzu baldecho bat,

 baña ongi betia,

 Martiñ, nere maitia,

 chestu-ontan;

 segiduban kalera,

 juan nariyen saltzera,

 esnatubaz daudenak

 oraindik lotan.

 ...............

 Chardiñ berriyak

 bizi biziyak,

 chestu ontatik zaizkit juaten;

 mokaru goso preskuagorik

 Dukiak ere ez du jaten.

 Ez da ostaturikan,

 artzen ez dubenikan,

 udako fruta eder

 ontatikan;

 ez det ezagutzen nik

 gustatzen etzayonik,

 bakar bat esateko

 oraindikan.

 Zartayian prejitzen,

 zabal zabal jarriyak

 chardiñ berri biziyak

 masiyakua;

 eta beren mamiya,

 gogorra ta loriya,

 lupiyarena baña

 gozuagua.

 .........

 Chardiñ berriyak,

 bizi biziyak,

 chestu ontatik zaizkit juaten;

 mokaro goso preskuagorik

 Dukiak ere ez du jaten

 Sagardotegiyetan,

 goiz eta artsaldetan,

 an ere chit ederki

 dira jartzen;

 brasa bizi biziya,

 estalirik guziya,

 biatz puntak erriaz

 dira artzen.

 Eta lenaz emanak

 badira bi gatz ale,

 nola ez izan zale

 ayetara.

 Prejitubak, erriak,

 zeiñ baña zeiñ obiak,

 gosuak dira alde

 denetara.

 Chardiñ berriyak, etc.

 Oilagor ta eperrak,

 dirala chit ederrak,

 chiki chikitandik det

 adituba:

 baña mokadu fiña,

 chardiñ bizkar urdiña,

 atze aldetik ondo

 okertuba.

 Arranbarrill gañian

 jarritzian erretzen,

 begira irrikitzen

 beregana.

 Ez da nolanaikua,

 alafedetakua,

 Galiziyan kapoitzat

 jaten dana.

 Chardiñ berriyak, etc.

 Ara goyan Benita,

 cheletaka jarrita,

 chokaturikan dago

 farrez lertzen:

 ¡baña begira orri

 koloriak zer gorri!

 aitatu detalako

 zaizkan jartzen.

 Oraiñ zubengandikan,

 penaz utzirik dana,

 nere aurrarengana

 nua echera.

 Pisoyala churiyak,

 badaukazki bustiyak,

 mudatu ta bularra

 ematera.

 Chardiñ berriyak, etc.