Arantzazuko amari
Borda, Itxaro
1
Nere bihotzak duen arnasa ez bait da sekulakoa
Bizi bidean saiatuko naiz segitzera urrezkoa
Lurraren hatsa, hatsa delako dugu baitezpadakoa
Alor zulotan maitatu zaitu aspaldiko Gipuzkoa!
2
Gure lurraren barnean zaude horrelako Arantzazu
Negarrez nago zuri begira, otoi askatu nezazu!
Eskualk aidez otoizten zaitut bihotzeko Arantzazu
Loretxo ere nahar artetik laster ateratu zazu!
3
Euskal-herria arrotzen pean dago ilun nekatua
Abërtzaleak lurra maitatuz egina du bekatua
Mintzaira ere gure Euskara digute debekatua
Gaitz daukatena, bai ama zutaz izan bedi barkatua...
4
Lenago ere Gipuzko hortan ba zagon gerra zibila
Odol ixurtze eta min asko, gizaren semea hila
Egun batean artzain ttikiak aditu zuen ezkila
Ama Birjina ikusi eta abiatu zen haren bila.
5
Arkaitzartean eskaini dute eliza bat ama zuri
Harrian hartuz merezi duzun edertasunaren neurri
Giza gaizoen berextasunez duzu ur asko ixuri
«Bake'gizute» zu egunero deika ari zare guri...
6
Jurge Oteiza artista ez da baina euskaldun profeta
Lantutzen bait'du harri gogorra, moldatzen iduri zeta
Jurge Oteiza forma asmatzen zizelakin da adreta
Eliza hortan sort arazi du gizartearen potreta.
7
Arantzazuko ama, etorri naizu galdez zure gana
M undu huts hunek nahi gébean ez nezan gero engana
Nihaur bezala hor otoitzean bada beilari andana
Ama zerutik dezagun beti gure biziari mana...
8
Zuk lehen laster ixil-arazi zintuen gerra adarrak
Gaur egun ere zure eskuak xuka ditzala negarrak
Euskal-herriko zelai menditan ama badira sugarrak
Ezar oraino askatasunez sekulako irriparrak...
9
Arantzazuko ama maitea zuk ba dakizu bidea
Hegoan eta iparraldean bait zare denen kidea
Euskaldunentzat etengabeko argia urruti dea?
Gaur emaguzu dener argia bai eta eskubidea.
