San Seimon eta San Juda (Urriak 28) eta gure euskara gizajoa

Bilbao, Jose R.

 1

 EUSKAL HERRIAN EUSKARAZ-koek

 deia egina digute

 geure botoa eman dezagun

 euskaltzaletasun-truke.

 Hizkuntz kideak kasu eginda

 hala egingo balute

 pozaren pozez sinets ezinik

 burua galduko nuke.

 2

 Baina lagunak euskarak ez du

 horrenbesteko indarrik

 egi gordina hau bada ere

 inork ez egin negarrik,

 biharramunez jarraikitzeko

 ez da faltako bularrik:

 salbatuko da euskara baina

 geure lanagaz bakarrik.

 3

 Hizkuntza mailan dauden jarrerak

 ez dira bat be berdinak

 batzuk hor dabiltz gogoz egiten

 ikasteko a(ha)leginak

 ta beste batzuk jakinda ere

 geldik dauzkate mingainak:

 txoriak na(h)i du itsasoratu

 lehorreratu arrainak.

 4

 Euskarak ez du prestigiorik

 eta hor dago iltzea

 ez bait da na(h)iko dekretu bidez

 eskoletara heltzea.

 Gobernuari dagokio gaur

 kanpaña bati heltzea

 gura ez badu gure hizkuntza

 be(h)inbetirako hiltzea.

 5

 Ez dut egiten amets handirik

 kanpaña hori dela-ta

 Estatutua boto-garaian

 entzun zen hainbat zarata

 BAI esan eta gure hizkuntza

 egongo zela salbata,

 baina urteak joan neurrian

 hitza bihurtu da kaka.

 6

 EUSKAL HERRIAN EUSKARAZ-koak:

 deia da alperrekoa

 euskarak ez du erakarriko

 ia inoren botoa,

 baina ez etsi zeuon lanean

 gaurkoz dea beharrezkoa

 Euskal Herrian euskara bait da

 hizkuntzetan eskekoa.